مِثَـاقْ حُقُـوقْ إِيْوَحَّـدْ ذَ الشَّعْبْ حَوْلْ الْعَـدَالَ
نِتَاجْ عُقُـولْ اتْشَيَّــدْ جُسُـورْ أُلْفَهْ أُو أصَــالَ
مَنْ نَصْ قَـرْنْ انْتَظَــرْنَ يَكَـانْ حَـدْ اتْفَـقَّـدْنَ
وَانْزَادْ تَهْمِيـشْ ابْلَـدْنَ وَاعْمَاتْ عَنْ ذيِكْ الحْـَالَ
بَصِيرْتْ الْحَـقْ أُوعَـدْنَ لاَبُـدْ نُحْـيِ الأَمَــالَ
يَكَـانْ تُضَاحْ
الصُّـوَّرْ فَذْهَانْ البِيظَانْ أُو لَكْـوَرْ
مَسْحُوقْ ذَ الشَّعْبْ إِيدَوَّرْ تَغْيِيرْ عَـنْ هَاذِي الْحَـالَ
وِ ايْدَوْرْ فَارْضُ
يَتْحَـرَّرْ لَطَـالْ ذَ
الدَّهْرْ أُو طَـالَ
أَيْـدُوْرْ تَعْلِيـمْ اطْفَـالُ
مَنْ حَرْ مَجْمُوعْ امْـوَالُ
وٍايْـدَوْرْ تَمْتَـدْ
احْبَـالُ فَاتْـرَابْ دَفْـنْ
الْبِطَـالَ
وِايْـدَوْرْ يجَـْبَرْ بَكْمَـالُ جَـوْابْ هَـاذِ الرِّسَـالَ
وَ افْكُـلْ فُرُوعْ الــدَّوْلَ يَنْشَـافْ فَـمْ ابْسُهُـولَ
وَ اتْعُـودْ دَوْلَ مَسْــؤُولَ وَاتْحَـدْ مَنْ كَلْ امْسَـالَ
مَغْبُـونْ فِيهَ ابْْلَ
حَـوْلَ وَاتْعُـودْ فِيــهَ
التَّـوَالَ
تَوْزِيـعْ بُنْــيَ تَحْتِـيَّ فَاعْمَـاقْ قُـرَى مَنْسِـيَّ
فَاوْهَامْ ذِيكْ البَـــادِيَّ وَاتْعُـودْ خَبْطَتْ فَصَـالَ
بَيْنَـاتْ حَــالَ
سَوِيَّ وَايَّـامْ سُــوءْ
الْكَفَـالَ
كلمات الشاعر: القاضي ولد محمد عينين
ليست هناك تعليقات:
إرسال تعليق